أحذروا من الصالونات‏

[عرب زايد]

للأهمية


مهم جداً جلسة عشاء جمعتني مع احد المحامين القديمين المعروفين... سألته بحكم خبرتك
الطويلة في المحاماة وقضايا الناس ما هي أغرب قضية مرت عليك..


قال زوجه مستقيمة لرجل معروف باستقامته وعيال ناس ومعروفين .. قررت الزوجة في
يوما ما ان تغير الصالون اللي تروح له..


وراحت لصالونية إيرانية ... اللي كانت تعرف شغلها زين وارتاحت لها الزوجه..


كانت في كل مره يعطونها قهوة تحس ان راسها يتعدل بعدها..


وحست انها تحتاج اكثر من مرة تروح للصالون..


لدرجة ان الزوج سألها صرتي تكثرين روحاتج للصالون تقول زينين وقهوتهم ما تطوف.


مع الفترة صارت الزوجه تروح بس عشان فنجان هالقهوة..


بس تبي تشرب قهوة عندهم.


حست الزوجه _ بعد فوات الاوان _ ان القهوة فيها نوع من المخدرات..


صاروا يبيعون لها الفنجان ... بالسعر الفلاني!


الزوجه لما اكتشفت انها في نص ورطتها .. سترت على نفسها وخافت ولا قالت لاحد..


صارت تروح الصالونية وتعطيها الفلوس اللي تبي عشان قهوة..


لين صارت فلوسها تخلص.


وراسها يعورها وجسمها ينتفض من غير هالقهوة..


لما قالت للصالونية انها ما عندها فلوس..


كانت تترجاها عشان فنجان هالقهوة..


هني قالت لها الصالونية الايرانية..


خلاص ... تروحين مكان معين ... تقضين ساعة او ساعتين .. مع الشخص اللي نجيبه
لك ... راح نستلم احنا الفلوس ... ونعطيج القهوة!


هني فزعت الزوجه المسكينه.


وراحت لزوجها وبجت وقالت له كل شي..



اخذ الزوج زوجته للمخفر وبلغوا المباحث اللي تابعت بدورها الصالون..


وتم اكتشاف شبكة تديره صاحبة الصالون الإيرانية...


بطريقه خاصة يحطون مخدرات للبنات ... ولما يغرقون البنات في المخدرات ...
يأخذونهم الى شقق الدعارة..


تطلع البنت مهتوك عرضها ... وماخذه مخدرات ... والصالونية ربحانه من الصوبين
من بيع المخدرات و بيع أعراض الناس..


طبعا تم القبض على الصالونية .. واخلي سبيلها بكفالة اللي بدورها

انحاشت ايران
بالفلوس اللي جمعتها


وصار عليها حكم إبعاد سبع سنوات فقط!!



بعد قرأتي القصة..






شعرت بعدم الأمان..


الله يحفظ بلادنا وأهلها وناسها

[خريشة البدوو]

آميـــــــــــــــــــــــــــن


الحمدالله الحمدالله ما اشرب شي من الصالوون حتى لو مآي


الله يحفظنا و يستر علينآ


و تسلم ع الطرح الغاوي ولآ هنت السااع


خويتك

خريشة البدوو

[غلا روحي]

الله يغربلها غربال ما تتفجج منه....
حسبي الله عليهم....
عسب جذيه ما أسوي لا حمام مغربي ولا أشرب شي عندهم....
وما أدش هالاماكن إلا في السنه حسنه...

تسلم يا عرب عالمعلومه..

[عسولة رااك]

يارب أحميني الحمدالله أروح صالونات بس ماأشرب ولاأكل شي عندهم

[عرب زايد]

اشكر الاعضاء الحلوين ع المروووور الطيييييب

[مغـــــرورة بحلاتهـــــا]

انا لازم اروح الصالون...
بس الحمدلله لا اكل و لا اشرب شي من عندهم..
يعطيك العافية خيو..

[عرب زايد]

يسلمووو مغرووووره على المروووور الطيب

[عصفووور المحبه]

تسلم اخوووي

ع الطرررح الطيب


و ربي يعطيك العااافيه


و نتريااا الزود منك...

[عرب زايد]

يسلموووو عصفووور على المروووور

[ميمي كيـــــــوت]

الدنيا ما منها اماااان